O sábado 9 de xullo de 2022, tivo lugar en Pontevedra, no local sindical, a presentación da ECOMARCHA 2022 de Ecoloxistas en Acción, na que participan activistas dos diferentes puntos do Estado que este ano percorrerán Galiza. Esta presentación contou con:
-
O relato de Antón Masa, en representación da APDR, onde expuxo a situación da Ría e o estado da loita contra ENCE. Ver vídeo abaixo.
-
Tamén contou co relato de Vicky Estevez, como voceira de “Touradas fóra de Pontevedra” para mostrar aos participantes o estado e evolución da loita antitouradas en Pontevedra. Ver vídeo abaixo:
BICIMANIFESTACIÓN:
A saída da presentación celebrouse unha bici-manifestación con destino na Praza de Touros de Pontevedra (para denunciar unha vez más o maltrato animal e solicitar á administración municipal a cancelación de calquera convenio/subvención cos seus donos) e na na Celulosa de ENCE en Lourizán, onde as coroas mortuorias de eucalipto que se levaron lembraron a ENCE que xa é pasado na Ría de Pontevedra. Ver vídeo abaixo:
O 10 de xullo: Nesta primeira etapa da ecomarcha chegaron a Rebordelo (Cerdedo-Cotobade). Na súa Casa do Pobo foron acollidos polas Plataformas Asieolicosnon e Alarma Terra de Montes. Representantes de ditas plataformas expuxeron, de primeira man, os impactos ambientais da onda de proxectos eólicos e mineiros concentrados na comarca. Ver vídeo abaixo:
Ver algunhas fotos:
