A APDR convoca unha nova edición da Marcha contra o complexo Ence-Elnosa. A mobilización terá lugar o sábado 3 de Xuño, con saída ás 19:30 das Alamedas de Pontevedra e Marín: (descarga a folla en pdf)
O Partido Popular, que concedeu de forma fraudulenta e vergoñenta o pasado ano unha prórroga de 60 anos á fábrica de pasta de papel de ENCE en Lourizán, semella estar disposto a saltarse de novo a lexislación e prorrogar tamén o uso do mercurio na electroquímica ELNOSA. De se levar adiante esta operación, trataríase dun novo chanzo na escalada de corrupción ambiental que o PP vén desenvolvendo na nosa Ría.
En efecto, a lexislación europea prohibe o uso da chamada tecnoloxía do cátodo de mercurio para a fabricación de cloro e sosa máis alá do 11 de decembro de 2017, data pactada ademais co sector, que adquiriu o compromiso de adoptar a tecnoloxía de membrana, libre de mercurio, con antelación a esta data. E non son de recibo os argumentos utilizados por ELNOSA, que pretende xustificar unha prórroga na existencia de dificultades técnicas para acometer a reestruturación da fábrica; tiveron catro anos para facelo cambio e nin sequera presentaron o proxecto.
O mercurio é un dos contaminantes máis perigosos para o medio, os recursos naturais e a saúde humana, por iso non se pode permitir que se siga vertendo ilegalmente á Ría e emitido ao ar que respiramos! Temos que esixir que se cumpra a lei e se desmantele a fábrica de ELNOSA este ano, non máis alá do 11 de decembro, porque é de xustiza e porque así o esixe a Unión Europea.
Hai que frear ao Partido Popular que, unha vez máis, pretende defender os intereses particulares das fábricas contaminantes fronte ao ben común. E desde a APDR vámolo facer por todos os medios ao noso alcance, tanto pola vía xudicial como -sobre todo- coa mobilización social. Porque conceder unha prórroga ao uso da vella tecnoloxía, suporía prevaricar.
E o primeiro paso vámolo dar na nova MARCHA CONTRA CELULOSAS, que este ano céntrase na esixencia do desmantelamento de ELNOSA como paso previo ao peche definitivo do complexo industrial de Lourizán.
- Ver folla informativa da marcha
- Ver Galeria de fotos recopilado pola APDR en su albúm de faceboock
- Ver Galería de fotos de Galiza Contrainfo (grazas Rute!)
- Ver Manifesto lido ao remate da Marcha
- Ver abaixo VÍDEO da Marcha de Galiza Contrainfo:
Foto da páxina principal: GZ Foto (Marcha 2016)
