SOBRE A PROPOSTA PRESENTADA POLO 1º TENENTE DE ALCALDE:

•  Obxectivo principal da proposta do Concello de Vilaboa exposta nesta xornada:

Non sería tanto a a ordenación, control e limitación da exposición electromagnética dentro do Concello de Vilaboa, se non que se centra en ilegalizar a antena de Bértola prohibindo a instalación de antenas base de telefonía en solo de núcleo rural (6 meses máis tarde o propio 1º tenente de alcalde recoñece publicamente que esta medida non se poría utilizar con dita antena por non estar en solo de núcleo rural. Ver acto do 09.10.09)

•  Obxectivo complementario:

Aínda que no texto alude a límites e distancias de protección, estes non están ligados nin xustificados xuridicamente coas potestades e competencias municipais, recoñecendo no desenvolvemento do debate da súa proposta que tal e como está exposto sería xuridicamente nulo, tal e como declararon algúns dos xuristas asistentes.

Ao non ser apoiada a súa proposta de ordenanza polos colectivos e expertos asistentes, o 1º tenente de alcalde de Vilaboa acepta pospoñer a súa aprobación ás achegas do colectivo veciñal de afectados e da APDR que se comprometen a recoller a experiencia de normativas proteccionistas no estado español dentro das achegas actuais do Parlamento Europeo e a Axencia Europea de Medio Ambiente.

SOBRE A PROPOSTA DE ORDENANZA PRESENTADA POLO COLECTIVO VECIÑAL DE PERSOAS AFECTADAS DE BÉRTOLA E ESCULCA E DA APDR

A non constancia de legalidade das antenas base de telefonía móbil presentes en Vilaboa e a falta de control real sobre a súas emisións e ubicación, como empresas contaminantes coas que convivimos de cotio no noso medio (contaminación agravada en moitos casos por outras fontes de contaminación electromagnética) é proba do caos presente en Vilaboa. Ante as chamadas á precaución do Parlamento Europeo e da Axencia Europea de Medio Ambiente, retomamos as súas achegas na presente proposta de ordenanza:

OBXECTIVO PRINCIPAL desta proposta proteccionista:

A ordenación, control e limitación da exposición electromagnética dentro do Concello de Vilaboa no seu conxunto para combinar saúde con boa cobertura; dentro das competencias do ámbito municipal. En definitiva facer compatibles o dereito á saúde e ao medio ambiente da cidadanía, desde o principio de precaución, co dereito de acceso ás novas tecnoloxías da comunicación e o seu desenvolvemento futuro.

PUNTOS CRAVES para obter este obxectivo:

- COMPATIBILIZAR SERVIZO E SAÚDE, CON NIVEIS DE EXPOSICIÓN AO PÚBLICO MENORES A 0,1 µw/cm2 (1) CON MEDICIÓN EN TEMPO REAL DOS MESMOS -24 HORAS AO DÍA- (2) CO ACCESO AO PÚBLICO XERAL, dentro da potestade municipal de inspección e mantemento da disciplina.

- PROTECCIÓN DE GRUPOS/ESPAZOS SENSÍBEIS: a principal protección ven realmente dada polo control do nivel de exposición, en caso de non poder garantirse (zonas de sombra u outras) e ter que acudir ás distancias como forma de minorar a exposición: cítase como referencia a aplicar o apartado 8 da Resolución do Parlamento Europeo de 02.04.09 no seu criterio de manter distancias (3): “garantir ao menos que as escolas, garderías, residencias de anciás e os centros de saúde se sitúen a unha distancia específica deste tipo de equipos, fixada de acordo con criterios científicos”

- PARTICIPACIÓN CIDADÁ:

•  As asociacións veciñais forman parte da Comisión de Telecomunicacións (compartindo as súas funcións de coordinación e seguimento do Plan de Despregamento, e de inspección das antenas).

•  A información completa sobre a exposición ás radiacións de microondas é pública con acceso directo por internet. Está en consonancia con:

- APLICACIÓN DO DECRETO AUTONÓMICO 133/2008 POLO QUE SE REGULA A AVALIACIÓN DE INCIDENCIA AMBIENTAL (4) -ou no seu caso do RAMINP, se o inicio da tramitación foi antes da data do Decreto mencionado-: como actividade “perigosa” en base a aplicación do artigo 13 da lei 1/1995, do 2 de xaneiro, de protección ambiental de Galicia tal e como lembra o Valedor do pobo e a interpretación aberta da consultaría da propia páxina web da consellería de Medio Ambiente.

Notas:

1.- Por dous motivos:

- Aínda que a normativa estatal permite exposicións ao público moito superiores, constatamos os consellos do Parlamento Europeo e do Informe Bioinitiative apoiado pola Axencia de Medio Ambiente (que consideran os límites actuais na lexislación estatal “obsoletos” e non adecuados para preservar a saúde da poboación e especialmente dos grupos sensíbeis ), adoptando como límite referencia inmediato o 0,1 µw/m2 para á exposición a microondas.

- Os datos oficiais de medicións puntuais (xamais en tempo real, nin tendo en conta a suma das distintas formas de contaminación electromagnética), non superan en principio dito límite de 0,1 µW/m2 confirmando unha boa cobertura. Polo que atendéndonos ao consello do Parlamento Europeo, de minimizar ao máximo a exposición ao público e especialmente aos grupos sensíbeis, retomamos dito nivel como referencia.

2.- So as medicións en tempo real da contaminación global por inmisións non controladas de microondas dannos datos da flutuación da contaminación electromagnética e da suma de ondas das emisións.

3.- Xustificado por:

4 A aplicación da Avaliación Ambiental leva implícito:

• Abrir un proceso de regulación e legalización (xunto coa licenza municipal de obras) ante a ilegalidade xeral actual en Vilaboa.
• Notificación persoal a cada veciño/a e titular de dereitos inmediatos cun tempo de información pública a efectos de das alegacións que consideren oportunas; dando un tempo de capacidade de reacción e actuación antes de que sexa aprobado un proxecto de nova antena: 20 días.

A proposta de normativa ten conta tamén a protección nas futura zonas de solo urbano contempladas no proxecto de Plan Xeral de Vilaboa.